المتابع الاخباري :-
اقدم احد الاشخاص امس على طعن اخر اثر خلافات بينهما بمنطقة الجبيهة شمال العاصمة اثر خلافات بينهما، وفق مصدر تحدث لممتابع الاخباري .
واسعف المصاب إلى المستشفى وما لبث أن فارق الحياة متاثرا بإصابته. فيما تمكنت الأجهزة الأمنية من ضبط الجاني بمكان الحادث وبوشرت التحقيقات.
وبناءً على الخلافات فقد قام صديق الجاني والذي يدعى “ينال مسروجه ” بكتابة مقالة يلتمس فيها عذر وهذا ما كتبه :-
“ليس كل مبتلي عاصي وليس كل منعم قريب من الله إنما كان أكثر الناس ابتلاء الأنبياء فالأمثل فالأمثل . فإذا رأيت مبتلى فلا تحكم عليه بغضب الله
يعني لا تحكم على أي إنسان وأنتا ربنا ماحطك في ظروفه ربنا مش كاتب لا كل شخص فينا نفس الأشي ممكن يكون حظك الحلو أنك ماشفت من الدنيا إلا وجهها الحلو المستقر ( فأحمد الله إلي عافاك مما ابتلا فيه غيرك )
ومش كل مبتلي عاصي لا تحكم علي علاقة الإنسان بربو لا يعلم حال العبد إلا الله ممكن المبتلي يكون أنظف و أقرب من ربنا منك للأسف
بنهاية لا تستغل الفرصه وتطلع بس بدك تحكي وعاذرك صدقني عشان لو حكيت ع حالك ماحدا رح يسمعك بس كلامك علي غيرك يكون عباراه عن شماته هاض بدل علي الخبث والحقد والنقص الموجود عندك
فلا تشمت في مبتلي فيرحمه الله ويبتليك بما تشمت به }}
بشار شخص جداً طيب وصافي وشخص بحالو وبحب بيتو ومرتو وبنتو وأهلو واخوانو وجيرانو وبحب الاستقرار ما حدا يقلي مهو كمان في مشاكل سابقه إلو كل بيت في مشاكل كل شخص فينا عندو بيتو مشاكل . ، بس والله طيب وطفولي وقد حالو وكل الناس بتحبو وصحابنا موجودين وعارفين
أنا معاشرو اكثر شخص بين كل الناس وتعدينا مرحلة الخبز والملح جاري وصاحبي وبيت أسراري وين ما نروح مع بعض والله من البيت ما بطلع غير لا شغل او امر اطراري ملتهي فعلياً ببيتو وحياتو وجايه ولد ع طريق والحمد الله قدر الله ومكتوب ونفذ بس كمان الحق يقال صح غلطان
وتصرف تصرف غلط بساعة شيطان وضربت غشيم یعنی شخص مش عارف كيف بضرب مش قاصد وكمان ما بعرف الشخص ولا شخص بعرفو انو نقول بينهم اشي بس خلص تعددة الأسباب والموت واحد
الله يسامحو ويخفف عنو والله انو عايش بصدمه ساعة شيطان بأقل من 10 دقايق خسر حياتو ومرتو وبنتو واهلو وفي شب كمان راح من بين عيون اهلو والله كمان صعبه الله يخفف مصابهم
الله يسامحو الله يسامحو ويغفرلو ذنبو ويكون معو في مصابو ومع مرتو واهلو … اقسم بالله لاغاية الآن حاس حالي بحلم.
